Tri raste të dyshimta në Maqedoni, dy negative, për të tretin pritet rezultati

Dy prej tyre janë negativ, kurse për personin e tretë priten ende rezultatet

Tre persona sot janë paraqitur në Spitalin infektiv me simptoma të gripit, ndaj të cilëve janë kryer testimet për koronavirusin. Tek dy persona rezultatet janë negative, ndërsa për personin e tretë priten për gjysmë ore.

Këtë e kumtoi ministri i Shëndetësisë, Venko Filipçe, i cili tha se bëhet fjalë për qytetarë tanë, të cilët gjatë periudhës së kaluar udhëtuan në Itali, ndërkaq vetë janë paraqitur në Klinikën infektive. Ai shtoi se në orët e pasdites në Aeroportin e Shkupit pritet të arrijë edhe një aeroplan nga Italia, përcjell albinfo.ch.

---