Maqedonia kërkon anëtarësimin në NATO me emrin FYROM

Kyeministri maqedonas Nikolla Gruevski sot do të qëndrojë në Bruksel, ku do të takohet me sekretarin e përgjithshëm të NATO-s, Anders Fog Rasmusen, raportojnë mediet në Shkup.

Anëtarësimi i vendit në NATO dhe qëndrimet e Aleancës në Samitin e majit që  do të mbahet në Çikago do të jenë çështjet kryesore që do të diskutohen midis krerëve të NATO-s dhe kryeministrit Gruevski.

Një zyrtar i lartë i Qeverisë në Shkup i ka thënë agjencinë e lajmeve INA se Gruevski ka udhëtuar në Bruksel me kërkesën që të kërkojë ftesën për anëtarësim në NATO në Samitin e Çikagos me emërtimin aktual të vendit si FYROM.

Sipas të njëjtit zyrtar, tashmë janë të qarta zërat se kërkohet anëtarësimi me emrin FYROM, deri në zgjidhjen e kompromisit me grekët për një emër të ri.

Por sipas tij është vështirë të ketë rezultate.

Anëtarësimi me emrin e përkohshëm FYROM është refuzuar së fundi nga administrata amerikane, me ç`rast zëvendës-ndihmës sekretari amerikan i shtetit, Filip Riker gjatë vizitës së fundit në Shkup përjashtoi një mundësi të tillë, duke kërkuar zgjidhjen e kontestit të emrit.