Maqedonia prinë në rajon për liri ekonomike

Maqedonia, sipas indeksit të lirive ekonomike, ndodhet në grupin e ekonomive të lira kryesisht të matura, e renditur në vendin e 43-të

Fondacioni amerikan “Heritixh” dhe gazeta “Uollstrit xhurnal” kanë publikuar indeksin e lirive ekonomike për vitin 2013, ndërsa Maqedonia është në toplistën e vendeve në rajon, duke u renditur  në vendin 43. Në këtë indeks janë gjithsej 177 vende, ndërsa vetëm Kosova nuk është përfshirë.

Maqedonia, sipas këtij indeksi, ndodhet në grupin e ekonomive të lira kryesisht të matura, në të cilën grup hyjnë vendet nga 36-të deri në vendin e 79-të.

Pas Maqedonisë pason Shqipëria, e cila është në vendin e 58-të, Bullgaria në të 60-n, Turqia në vendin e 69-të, Mali i Zi në 70, Sllovenia në 76, Kroacia 78, Serbia 94 dhe Bosnja e Hercegovina në vendin e 103-të.

Ndërsa Greqia është ndër shtetet më indeksin më ulët të ekonomive, me 55,4 pika e renditur në vendin e 117.

Siç raporton agjencia MIA, Maqedonia ka pësuar një rënie të lehtë në krahasim ve vitin e kaluar për 0.3 pikë. Këtë vit sipas  Fondacioni amerikan “Heritixh” dhe gazeta “Uollstrit xhurnal” Maqedonia ka marrë 68,2 pika, ndërsa vitin 2011 kishte 68.5 pikë.

Hong-Kongu, ndërkaq për të 19-n herë me radhë shpallet ekonomia më e lirë në botë me 89,3 pika indeksi nga 100 të mundshmet. Në vendin e dytë, sipas  në renditjen me 88 pikë është Singapori, ndërsa në pesë vendet lidere që kanë mbi 80 pikë janë Australia, Zelanda e Re dhe Zvicra.

Ndërsa në dhjetëshe janë edhe: Kanada, Kili, Mauricius, Danimarka dhe SHBA-ja. Kina kontinentale është në vendin e 136-të, ndërsa Rusia në vendin e 139-të nga gjithsej 177 vende të përfshira në hulumtim. Tri vendet e fundit i takojnë Ekuadorit, Argjentinës dhe Ukrainës.