Mark Zuckerberg-ut i shkon pasuria në 100 miliardë dollarë

Foto ilustrim (Con Karampelas)

Themeluesit të Facebook-ut, Mark Zuckerberg, i është rritur pasuria në 100 miliardë dollarë, pasi që Facebook lëshoi një produkt të ri të videove të shkurtra.

Ai tash i bashkohet themeluesit të Amazonit, Jeff Bezos dhe atij të Microsoft-it, Bill Gates, duke u bërë kështu pjesë e “Klubit të Miliarderëve”, që kanë mbi 100 miliardë dollarë.

Bosët e teknologjisë, përfshirë Zuckerberg-un e Bezos, kanë qenë në qendër të vëmendjes kohëve të fundit për rritjen e madhe dhe fuqinë e kompanive të tyre.

Vetëm këtë vit pasuria e Zuckerberg është rritur për 22 miliardë dollarë, ndërsa Bezos ka parë rritje prej 75 miliardësh, sipas Bloomberg.