Marshohet për Lulzim Fejzullahun në Podujevë

Shpejtim Bulliqi

Këtë të diel në Podujevë do të mbahet marsh për 18-vjeçarin, Lulzim Fejzullahu, i cili u rrah për vdekje nga dy të mitur më 14 janar.

Marshi pritet të fillojë nga ora 13:00, nga vendi ku është sulmuar 18-vjeçari, për të vazhduar deri te Komuna e Podujevës.

Prokuroria ka vendosur masën paraburgim për dy të miturit e dyshuar që morën pjesë në përleshjen fizike, pas së cilës Lulzimi mbeti i lënduar dhe më pas u dërgua për trajtim mjekësor në QKUK, ku vdiq më 20 janar.

Rasti nga policia është cilësuar si “Vrasje e rëndë”./KSP