Masakër në Velipojë, 4 të vrarë dhe 2 të plagosur

Një ngjarje e rëndë ka ndodhur në plazhin e Velipojës rreth orës 00:30 të 27 qershorit, ku katër persona kanë mbetur të vrarë dhe dy të tjerë janë plagosur pas një konflikti.

Ngjarja është shënuar pas mesnatës, ku dyshohet se konflikti ka nisur për hapësirat publike në plazh.

Viktima e ngjarjes janë K.F., Xh. G., E.G. dhe M.Z. Kurse të plagosur kanë mbetur H.F. dhe E.D, shkruajnë mediat shqiptare, përcjell albinfo.ch.

Sipas informacioneve të marra, K.F. është babai i A.F. që mbeti i vrarë në atentatin mafioz në Zonën e Livadheve teksa po kalëronte. Ai është pronar i “Hotel Fantazia” në Velipojë dhe “Hotel Fantazia” në Zues.

Ndërkohë i plagosuri tjetër, H.F. është vëllai i K.H., edhe ai ka një biznes në plazhin e Velipojës.

Pas ngjarjes së rëndë të ndodhur pak orë pas mesnatës, drejtori i policisë së Shkodrës, Niko Brahimaj, ka shkuar në Velipojë bashkë me Drejtorin e Policisë, Ardi Veliu.