Mbi 11,000 ukrainas janë regjistruar në Zvicër

Keystone

Nisma të ndryshme mbështetëse janë ngritur në gjithë Zvicrën. Rreth 4,000 njerëz po qëndrojnë me familjet në shtëpi private, njofton albinfo.ch.

Kantonet po përgatiten të mirëpresin shumë refugjatë të tjerë deri në fund të vitit. Por përllogaritjet e numrit të mbërritjeve variojnë nga 60,000 deri në 300,000. Me këtë lloj fluksi, disa qendra pritëse rrezikojnë të mbingarkohen.

“Këto janë shifra të larta për një periudhë shumë të shkurtër”, tha Etienne Piguet, nënkryetar i Komisionit Federal të Migracionit, për televizionin publik zviceran RTSExternal link.

“Zvicra ka infrastrukturë që mund të përballojë në mënyrë të përsosur shpejt dhe me efikasitet” me një fluks refugjatësh “deri në 60,000 njerëz”. Përtej kësaj, “ne bëhemi një sistem pritjeje emergjente dhe aty do të duhet të improvizojmë, do të jetë pak më e komplikuar”, tha ai.

Agjencia e Kombeve të Bashkuara për refugjatët (UNHCR) thotë se rreth 10 milionë ukrainas – në një popullsi totale prej rreth 45 milionë – janë zhvendosur nga lufta, duke përfshirë 3.4 milionë – kryesisht gra dhe fëmijë – të cilët kanë ikur jashtë vendit, kryesisht në vendet fqinje anëtare të BE-së. /Albinfo.ch