Mbi 2 milionë të papunë në Ballkan

Ballkani hyri në 2015-ën me 2.324.427 të papunë

Shkalla më e lartë e papunësisë është në Bosnjë, 44 për qind dhe në Maqedoni, 28.6 për qind

Zëvendësdrejtori i Agjencisë së Punësimit të Bosnjës, Zheljko Raikj, kohët e fundit tha se aktualisht në zyrat e punësimit janë paraqitur 547.319 të papunë. Përndryshe, ky vend ka mirëpritur fundin e 2014-ës me një normë papunësie prej 27.5 për qind, ndërsa norma nominale arrin deri në 44 për qind, transmetojnë mediat në Shkup.

Në Serbi, sipas të dhënave zyrtare të evidentuara, janë 741 mijë të papunë, ndërsa shkalla e tanishme e papunësisë në vend është 17.6 për qind. As Kroacia nuk ka gjendje më të mirë ekonomike, ku sipas Entit Nacional të Statistikave, shkalla e papunësisë së regjistruar në nëntor të vitit të kaluar ishte 19.2 për qind. Të dhënat në faqen zyrtare të Zyrës kroate të punësimit tregojnë se janë të regjistruar 314 820 të papunë.

Në Mal të Zi, sipas të dhënave të fundit të punësimit, janë 34 630 të papunë, ndërsa shkalla e papunësisë është 14.93 për qind.

Vende të tjera në rajon, sipas të dhënave nga tetori 2014, në Maqedoni numri i të papunëve ishte 275 225, d.m.th. shkalla e papunësisë ishte 28.6 për qind.

Në Shqipëri para dy muajve në zyrat e punësimit ka pasur 144 mijë njerëz të papunë. Prandaj, Shqipëria këtë vit vjen me një normë papunësie prej 16.9 për qind. Sipas të dhënave të fundit zyrtare, në Kosovë të papunë janë rreth 268.000 njerëz, ose 35.1 për qind të fuqisë punëtore.