Mbi 50 persona të lënduar nga përplasja e dy trenave në Gjermani

Keystone (Meerbusch/Frank Mohr)

Mediat gjermane raportojnë se të paktën 50 persona raportohen të jenë lënduar si pasojë e përplasjes së trenave pranë Dyseldorfit në Gjermani, përcjell albinfo.ch.

Në aksident raportohet të jenë përfshirë një tren mallrash dhe një tren pasagjerësh në Meerbusch.

Në këtë përplasje është përfshirë një tren i “National Express” dhe një tren i mallrave të DB Cargo. Vendi i aksidentit ndodhet zyrtarisht në zonën e stacionit Meerbusch-Osterath.

Në trenin e pasagjerëve kishte më shumë se 100 njerëz në bord.

Gjithashtu ka raportime të ndryshme sa i përket të lënduarve, për shkak se një zëdhënës i zjarrfikësve ka thënë se vetëm pesë janë të lënduar, derisa sipas policisë janë mbi 50.

Edhe helikopterët kanë ardhur në ndihmë për të bartur të lënduarit, derisa rruga është e bllokuar.