Mbi 80 fëmijë boshnjakë në territorin e ISIS –it, „bombë e kurdisur*

Më shumë se 80 fëmijë boshnjakë janë në territorin e kontrolluar nga Shteti Islamik (ISIS Daesh) në Siri dhe Irak, dhe ata janë “bombë e kurdisur” që mund të paraqesin rrezik të madh të sigurisë kur të kthehen në vendin e tyre, tregon një studim i ri.

Myslimanët boshnjakë janë grupi më i madh nga Ballkani Perëndimor, të cilët luftojnë për Shtetin Islamik në Siri dhe Irak, së bashku me luftëtarë nga Kosova, Shqipëria, Maqedonia, Mali i Zi dhe Serbia, përcjell albinfo.ch.

Hulumtimi i kryer nga organizata „Atlantik“ me qendër në Sarajevë, të cilin e ka siguruar Reuters, tregon se numri i luftëtarëve të rritur meshkuj, sipas vlerësimeve për periudhën trevjeçare, deri në fund të vitit 2015 ka qenë 188, tani ka rënë në 91, pasi 47 u kthyen në Bosnjë e Hercegovinë dhe 50 kanë vdekur.

Që nga prilli më pak se gjysma e boshnjakëve në Siri janë burra të rritur, ndërkohë që kanë mbetur 52 gra dhe 80 fëmijë. Disa fëmijë që lanë rajonin me prindërit u janë bashkuar trupave luftarake të ISIS-it, thuhet në studim.

Sipas dëshmitarëve dhe mediave sociale, djem të moshës 13-14 vjeç kalojnë fillimisht në stërvitje ushtarake përpara se të dërgohen në formacionet luftarake. Të paktën një i ri nga Bosnja ka rënë në luftime, sipas një sondazhi, në të cilën autoritetet nga Bosnja e kanë zhvilluar për të parandaluar largimin e fëmijëve në zonat e luftës.

Shkuarja nga Bosnja në Siri është ndërprerë pothuajse tërësisht në vitin 2016 për shkak se autoritetet boshnjake kanë miratuar legjislacionin që u lejon atyre t‘i ndjekin penalisht të gjithë ata që planifikojnë të shkojnë për të luftuar dhe për ata që kthehen në vend.

http://www.reuters.com/article/us-mideast-crisis-bosnia-idUSKCN0YZ1VC