I mbijeton rrugës 25 kilometra i lidhur jashtë trenit

59-vjeçari veproi ashtu pasi treni ishte nisur me valixhen e tij brenda, ndërsa ai kishte mbetur jashtë

Një burrë i ka mbijetuar shpejtësisë prej 160 kilometra në orë i varur në një tren të shpejtë në Gjermani, kanë njoftuar zyrtarët.

“Deutsche Bahn” ka thënë se ai kishte shfrytëzuar disa plastika për t’u ngjitur anash trenit në udhëtimin Bielefeld-Hannover të enjten.

59-vjeçari veproi ashtu pasi treni ishte nisur me valixhen e tij brenda, ndërsa ai kishte mbetur jashtë, transmeton albinfo.ch.

Zyrtarët e hekurudhave kishin njoftuar shoferin, i cili më pas ndali trenin pas 25 kilometrave distancë që nga nisja.

“59-vjeçari mund të falënderojë personelin e hekurudhave për faktin që akoma është gjallë”, ka thënë një zyrtar.

Burri, që besohet se është nga Rumania, më pas vazhdoi udhëtimin drejt Hannoverit si pasagjer, ndërsa pritej të merrej në pyetje nga policia.