Ministri i Jashtëm i Kosovës, Behxhet Pacolli ka pritur në një takim zëvendëskryeministrin e Maqedonisë, Bujar Osmani më të cilin janë dakorduar që Kosova dhe Maqedonia do të mbajnë mbledhje të përbashkët në mes të dyja Qeverive, por pa caktuar kohën se kur do të ndodh kjo gjë, shkruan albinfo.ch.
Në njoftimin për media theksohet se ata janë pajtuar se dy qeveritë do të ndërmarrin veprime konkrete për lehtësimin e kalimit të kufirit ndërmjet dy shteteve respektive.
Sipas njoftimit do të synojnë projekte të përbashkëta në kuadër të procesit të Berlinit dhe do të shikojnë mundësinë e krijimit të pikave të përbashkëta doganore.
