Mbulimi i fytyrës mund t’ju kushtojë 1000 franga

Keystone

Në mars të vitit 2021 votuesit zviceranë pranuan të ashtuquajturin ligj për ndalimin e burkës, duke ndaluar mbulimin e plotë të fytyrës në vende publike, përcjell albinfo.ch.

Qeveria kishte dy vjet kohë për të hartuar një legjislacion të detajuar, i cili megjithatë parashikon përjashtime, të cilat përfshijnë vendet e kultit, për arsye shëndetësore, në mot të ftohtë, në një mjedis artistik ose për qëllime reklamimi.

Ligji gjithashtu dëshiron të ruajë të drejtat politike në lidhje me lirinë e mendimit ose të tubimit të njerëzve “kur fshehja e fytyrës është e nevojshme për mbrojtjen e tyre” ose edhe më gjerësisht “për të shprehur mendimin e tyre në mënyrë figurative”.

Në rast shkeljeje, gjoba maksimale është 1000 franga.

Këshilli i Shteteve miratoi këtë version të legjislacionit të hënën dhe tani duhet të pranohet nga Këshilli Kombëtar në mënyrë që të zbatohet.