Mbyllen për dy ditë kufijtë e Greqisë, MPJD me udhëzime për shtetasit e Kosovës

scrennshot

Ministria e Punëve të Jashtme dhe Diasporës ka njoftuar qytetarët e Kosovës se nga nesër kufijtë e Greqisë do të jenë të mbyllur për shkak të një greve.

“Ministria e Punëve të Jashtme dhe Diasporës njofton të gjithë shtetasit e Republikës së Kosovës se që nga nesër, më datë 2 prill 2024, me fillim në ora 06:00 të mëngjesit e deri me datën 4 prill 2024, në ora 06:00 të mëngjesit, kufijtë e Greqisë do të jenë të mbyllur, si pasojë e një greve 48 orëshe të paralajmëruar nga shërbimi doganor grek”, thuhet në njoftim, transmeton albinfo.ch.

Tutje, sipas njoftimit kalimi i kufirit do të lejohet vetëm për këmbësorët, pa bagazhe dhe për personat me probleme serioze shëndetësore.

“Shtetasit e Republikës së Kosovës që mund të kenë nevojë për informacione shtesë inkurajohen të kontaktojnë Zyrën e Interesave të Kosovës në Athinë, në numrin e mëposhtëm të telefonit: +30 210 721 1711”, thuhet tutje në njoftim.