Policia e Kosovës ka bërë të ditur se një person është ndaluar, pasi dëshironte të udhëtonte me pasaportë serbe, që dyshohet se nuk është e tij.
Ai është ndaluar në Aeroportin Ndërkombëtar të Prishtinës, derisa destinacioni i tij ishte Hanoveri i Gjermanisë.
“Raportohet se i dyshuari mashkull K-Shqiptar ka tentuar të udhëtojë nga Aeroporti i Prishtinës për në Hanover me ç’rast në kontroll të dokumenteve ka prezantuar një pasaporte serbe që dyshohet se i përket dikujt tjetër. Të dyshuarit i është anuluar fluturimi dhe rasti vazhdon në procedurë te rregullt”, thuhet në njoftimin e Policisë.
