Mediat franceze: Tirana, një bukuri që duhet vizituar

Tirana i ka të gjitha. Bregdetin e ka shumë afër, reliefin malor dhe gjallërinë e madhe që të ofron

Mediat e ndryshme ndërkombëtare vazhdojnë të shkruajnë për bukuritë e Shqipërisë dhe rekomandojnë që duhet vizituar gjithsesi gjatë vitit 2017, shkruan albinfo.ch.

Ditë më parë, “CNN” kishte shkruar se Shqipëria është njëra nga 17 shtetet që duhet vizituar, derisa tani në fokusin e mediave është kryeqyteti i saj, Tirana.

Është gazeta e përjavshme franceze “Telerama” e cila e vendos kryeqytetin e Shqipërisë si një ndër dhjetë qytetet që duhet vizituar këtë vit.

Tirana i ka të gjitha. Bregdetin e ka shumë afër, reliefin malor dhe gjallërinë e madhe që të ofron.

“Në vitin 2017, të huajt duhet ta shikojnë nga afër! Pas viteve të gjata nën mbylljen e regjimit komunist, Shqipëria mund të jetë destinacioni që nuk duhet humbur sot. Pikat e forta të saj: a) bregdeti Adriatik, një ëndërr që vazhdon deri në Mal të Zi, një zonë e thellë malore për ecje dhe kryeqytetin, Tiranën, të gjallë ku shihen ende të gjalla gjurmët osmane, dhe ndërtesat e  modës italiane. Për t’u zbuluar!”, shkruan francezja “Telerama”.