Mediumi shtetëror iranian: ‘Raundi i fundit i raketave’ u lëshua para fillimit të armëpushimit

pixabay

Mediumi shtetëror iraniane thotë se ‘raundi i fundit i raketave’ u hodh para fillimit të armëpushimit, përcjell albinfo.ch.

Media shtetërore iraniane SNN raporton se Irani ka hedhur “raundin e fundit të raketave” drejt Izraelit para se të hyjë në fuqi një armëpushim, shkruan bbc, transmeton KosovaPress.

Ndërsa, Izraeli tha se më parë kishte zbuluar valë sulmesh me raketa, të cilat vranë të paktën katër persona.

Televizioni shtetëror i Iranit po raporton gjithashtu se një armëpushim është “imponuar” ndaj Izraelit pas valëve të sulmeve iraniane.

Si përkujtesë, Izraeli nuk e ka pranuar publikisht propozimin për armëpushim.

Për armëpushimin ka njoftuar mbrëmë presidenti amerikan, Donald Trump.

Përmes një njoftimi në rrjete sociale, Donald Trump ka dhënë detaje për armëpushimin, derisa ka thënë se lufta ka qenë e mundshme të vazhdonte për vite të tëra, duke çuar në shkatërrimin e Lindjes së Mesme.

Por, siç ka thënë ai, një gjë e tillë nuk do të ndodhë.

Sipas Trump, “brenda 24 orësh” lufta zyrtarisht do të përfundojë.