Merdar: Kolona 4 kilometra e pritje deri në 5 orë

Qendra kombëtare për menaxhim kufitar në Kosovë përmes përditësimit të fundit të të dhënave, ka njoftuar se po vazhdojnë edhe sot pritjet e mërgimtarëve për të dalë nga Kosova.

Sipas të dhënave, në Merdar janë pritjet më të gjata – deri në pesë orë, teksa kolona është deri në katër kilometra.

Te Dheu i Bardhë pritjet janë deri në dy orë ndërsa në pikëkalimin kufitar në Muçibabë një orë e gjysmë, përcjell albinfo.ch.

Në Mutivodë pritjet janë deri në një orë e gjysmë ndërsa në Jarinjë pritjet janë shkurtuar në dhjetë minuta.