Mërgimtari hap helioportin e parë në Kosovë

Pronar  i kompleksit turistik Vali Ranch, Fehmi Fetahu, ka thënë se ndjehet shumë i lumtur që heliporti i parë në Kosovë po hapet në Gjilan në resorin e tij turistik

Një bashkatdhetar që punën dhje jeton në Zvicër ka hapur për herë të parë në Kosovë një helioport për helikopterë. Ky heliiport u hap sot në Kompleksin turistik më të njohurin në rajon, Vali Ranch në Perlepnicë të komunës së Gjilanit, që është pronë e bashkatdhetarit Fehmi Fetahu.

Me këtë rast kryetari i Komunës së Gjilanit, Lutfi Haziri, ka thënë se Fehmi Fetahu, është bashkatdhetari ynë nga diaspora, që ka dëshmuar më së miri se si duhet të investohet në vendlindje dhe se si kthehet vëmendja drejt punëve të mira.

“Gjilani dhe Anamorava sot ka bërë heliportin e parë, i cili do të jetë për nevoja të shërbimeve të gjithë qytetarëve. Për këtë falënderoj edhe Aviacionin Civil, për mundin që kanë bërë deri në pajisje me leje për këtë qëllim dhe Gjilanin e kanë bërë shembull të mirë të hapjes së këtij heliporti’, deklaroi Haziri.

Pronari i këtij heliporti, sipas tij, dhe i këtij kompleksi turistik, Fehmi Fetahu, siç tha Haziri, është një shembull i mirë i investimeve nga diaspora në vendlindje.

“Është investimi jashtëzakonisht i madh dhe atraktiv që vjen drejtpërdrejt në Gjilan dhe Kosovë nga Zvicra. Ky helikopter, nuk është vetëm për atraksion, por edhe për nevoja të shërbimeve për të gjithë ne që kanë nevojë nesër, e kemi për fat të mirë tash e tutje një heliport që i plotëson të gjitha standardet për operimin e aviacionit ndërkombëtar civil, por edhe për nevoja të brendshme”, ka thënë ndër të tjerash kryetari Haziri.

Nga ana e tij pronari i kompleksit turistik Vali Ranch, Fehmi Fetahu, ka thënë se ndjehet shumë i lumtur që heliporti i parë në Kosovë po hapet në Gjilan në resorin e tij turistik.

“Kjo është një krenari shumë e madhe për ne, për regjionin dhe Kosovën, sepse ky është në shërbim edhe të qytetarëve të interesuar. Ndjehem shumë mirë dhe jam krenar për investimet që i kam bërë në Kosovë. Sot kompleksi turistik, Vali Ranch, ka kuajt, restorantin, salla nga më të ndryshmet e më modernet dhe sot po pasurohet edhe me heliportin dhe një helikopter që në kategorinë e këtij tipi është modern”, ka thënë Fetahu/

Pronari i Vali Runch falënderoi Departamentin e aviacionit, Ministrinë e Punëve të Brendshme, por edhe të gjithë të tjerët që e kanë bërë të mundur pajisjen me leje për një heliport ndërkombëtar.

Kurse Burim Dinarama, drejtor i Departamentit të Aerodromeve, pranë autoritetit të Aviacionit Civil të Kosovës, ka thënë se në dukje është një heliport i vogël, por për Kosovën është shumë i madh.

“Në dukje është një heliport i vogël, por për Kosovën është një hap i madh. Prandaj, uroj pronarin, për hapjen e heliportit të parë në Republikën e Kosovës. Uroj që ky hap të jetë shtytje edhe për investitor të tjerë që të shkojnë hapave të zotriut dhe të zhvillojnë këtë industri aq të nevojshme në territorin e Republikës së Kosovës”, tha ai në fjalën e tij.

Të pranishëm ishin edhe zëvendësambasadori i Hungarisë në Prishtinë, kryetari i Komunës së Ranillugut dhe zyrtarë të tjerë nga niveli qendror dhe ai lokal. Një fluturim e kanë bërë së bashku kryetari i Gjilanit, Ranillugut, drejtori u aerodromeve, zevendesambasadori dhe pronari i kompleksit turistik për të bërë kështu hapjen simbolike të heliportit, thuhet në një deklaratë lëshuar nga komuna e Gjilanit.