Mërgimtarit i digjet shtëpia dhe vetura në Prishtinë

Sipas Policisë, bashkatdhetarit i është djegur edhe një veturë që ishte afër shtëpisë

Një shtëpi e një bashkatdhetari ka marrë flakë në natën e kaluar në rrugën “Rugova” në Prishtinë, njoftojnë mediet lokale në Kosovë, duke u thirrur në deklaratat e Policisë së Kosovës. Sipas Policisë, bashkatdhetarit i është djegur edhe një veturë që ishte afër shtëpisë.

Policia e Kosovës nuk ka informacione të sakta për shkaktarët e djegies së shtëpisë, përveç se thuhet se pronari është një bashkatdhetar që jeton në mërgim. Njësitet policore dhe zjarrfikësit kanë dalë në vendin e ngjarjes dhe kanë lokalizuar zjarrin. Përveç dëmeve materiale nuk raportohet për lëndime në njerëz.