Merkel i thotë Zaevit se ka shpresë për negociata këtë vit

Kryeministri i Maqedonisë së Veriut, Zoran Zaev, është kthyer nga Berlini me një premtim të ri nga kancelarja Angela Merkel.
Zaev, në Facebook, ka shkruar se kancelarja Angela Merkel ka informuar delegacionin nga Shkupi se Bundestagu do të sjellë në shtator vendim për miratimin e fillimit të negociatave të BE-së me Maqedoninë Veriore, në pajtim me procedurat e Gjermanisë për çështjen e zgjerimit të Unionit, transmeton albinfo.ch.
Po ashtu, Zaev ka deklaruar se kanë marrë premtimin se Bundestagu në shtator do të japë dritë jeshile për fillim të negociatave me BE-në dhe se Gjermania njeh rezultatet e arritura në rrugën e anëtarësimit.
Nga ana tjetër, kryeministri Zaev kishte përmendur se në rast se nuk merret datë për fillimin e negociatave në qershor, ai do ta kthejë mandatin për formimin e qeverisë.