Merkel: Shembulli i Maqedonisë, të ndiqet edhe nga Kosova e Serbia

Kancelarja gjermane, Angela Merkel ka deklaruar se vendet e Ballkanit Perëndimor janë fqinjë evropiane dhe kanë një perspektivë evropiane.
Duke iu referuar takimit me vendet e rajonit në program më 3-5 korrik në Poloni në kuadër të Procesit të Berlinit, Merkel, ka theksuar se për realizimin e perspektivës evropiane, vendet e rajonit duhet të kalojnë tensionet e shumta që ekzistojnë dhe të plotësojnë kriteret.
Ajo përmendi si shembull të mirë marrëveshjen mes Shkupit dhe Athinës në lidhje me emrin.
“Një shembull i tillë pozitiv duhet të nxitë kërkimin e një zgjidhjeje të problemeve të Bosnje-Hercegovinës dhe atyre mes Serbisë dhe Kosovës”, theksoi ajo.