Mësim dhe kamping për fëmijët e diasporës

Përveç që do të njohin bukuritë e bjeshkëve të Rugovës, mërgimtarët e rinj, do të ndjekin disa ditë mësim plotësues në gjuhën shqipe

Ministra e Diasporës po vazhdon me aktivitete të ndryshme për t’i akomoduar fëmijët e mërgimtarëve dhe për t’i njoftuar ata me bukuritë e Kosovës. Të hënën nën përkujdesjen e MeD, Komunës së Suharekës dhe projektit  “Diaspora për Zhvillim” në Bjeshkët e Rugovës është hapur kampi fushor, ku 60 fëmijë të moshave 12-16 vjeç, deri më 16 gusht do të qëndrojnë në këtë kamp.Sipas një njoftimi lëshuar nga Ministra e Diasporës, kampi i fëmijëve është në hapur në kompleksin turistik “Rugova kamp” në Malaj të Rugovës, ndërsa pjesëmarrës janë fëmijët e mërgimtarëve kryesisht  nga Anglia, Zvicra e Suedia, por edhe nga Kosova.“Në këtë kamp  organizohet edhe shkolla verore për nxënës nga diaspora “Ta njohim atdheun””, thuhet në njoftim. Pra, përveç që do të njohin bukurit e bjeshkëve të Rugovës, mërgimtarët e rinj, do të ndjekin disa ditë mësim plotësues në gjuhën shqipe, ku do të njoftohen për të kulturën, historinë, gjeografinë dhe demografinë e shqiptarëve.Ndryshe, kjo është edhe një pjesë tjetër e programit për Diasporë që ka aplikuar dhe realizuar Ministra e Diasporës në kuadër të manifestimit “Ditët e Diasporës në Kosovë 2012”