Metsola bën thirrje për ulje të tensioneve

Roberta Metsola, Twitter

Parlamenti Evropian i ka bërë thirrje Kosovës dhe Serbisë të ulin tensionet.

Presidentja e PE-së, Roberta Metsola, gjatë vizitës në Kroaci tha se agresioni i Rusisë kundër Ukrainës është një dëshmi se sa kanë ndryshuar rrethanat sot në Evropë dhe me çfarë sfidash po përballet kontinenti.

“Ne si Parlament Evropian u kemi bërë thirrje Serbisë dhe Kosovës të shtensionojnë situatën. Shtensionimi është fjala kyçe këtu. Nuk mund të shohim më shumë dhunë në kohën kur kontinenti ynë është aq i ndjeshëm”, tha Metsola, shkruan Radio Evropa e Lirë.

Kryetari i Parlamentit të Kroacisë, Gordan Jandrokoviq, tha se shteti i tij është i gatshëm të mbështesë vendet e rajonit në rrugëtimin e tyre drejt BE-së dhe të ndajë me ta përvojën e Zagrebit në këtë proces, përcjell albinfo.ch.