Michelle Obama, gruaja më me ndikim në botë

Në fakt, ajo është gruaja më e admiruar në botë, sipas një sondazhi të ri të YouGov

Më shumë se dy vjet pas largimit nga shtëpia e Bardhë, ish-zonja e parë Michelle Obama ende është shumë e admiruar nga njerëzit në mbarë botën.

Në fakt, ajo është gruaja më e admiruar në botë, sipas një sondazhi të ri të YouGov.

Obama mposhti aktoren Angelina Jolie, e cila këtë vit ra me dy vende në listën e YouGov të këtij viti, transmeton TCH.

Ish-zonja e parë është pasuar nga Oprah Winfrey, Jolie, Mbretëresha Elizabeth II dhe Emma Watson, përcjell albinfo.ch.

YouGov përpilon listën me 20 femra dhe 20 burra nga e gjithë bota, që kanë ndikim në 41 vende të botës dhe nominimet janë të hapura.

Në listën e burrave, Bill Gates vazhdon mbretërimin e tij si më të admiruarit në botë, pasuar nga ish-presidenti Barak Obama, Jackie Chan, udhëheqësi kinez Xi Jinping dhe biznesmeni miliarderi Jack Ma.

---