Minatorët e “Trepçës” hyjnë në grevë

Ata i kanë dhënë afat deri më 1 gusht menaxhmentit të “Trepçës” për realizimin e kërkesave te tyre

180 punëtorë të ndërrimit të parë të kombinatit “Trepça” e kanë bojkotuar sot punën me kërkesën për kushte më të mira pune,  ngritje të pagave dhe sqarime për Ligjin për Trepçën, raporton Radio Televizioni i Kosovës (RTK)  Eset Meha, anëtar i Këshillit të Minatorëve të Trepçës, tha se i kanë dhënë afat deri më 1 gusht menaxhmentit të “Trepçës” për  realizimin e kërkesave te tyre.

Në anën tjetër drejtori i ndërmarrjes “Trepça” Ahmet Tmava, tha se “Trepça” ndodhet në situatë të rëndë financiare dhe kërkesat e punëtorëve vështirë se mund të realizohen.

Në janar të këtij viti minatorët e “Trepçës” u ngujuan në horizontin e 10 të minierës së Stantërgut në kundërshtim të një vendimi të Qeverisë së për ta shndërruar kompleksin “Trepça” në ndërmarrje shoqërore. Sipas këtij vendi Qeveria e Kosovës synon ta shpëtoj “Trepçën” nga falimentimi i cili do te linte pa punë mijëra punëtorë, meqë Gjykata e Larte e Kosovës kishte vendosur që “Trepça” të hynte në procesin e likuidimit.