Ministri Federal Parmelin rrëzohet në zyrë dhe thyen krahun

Sipas rregulloreve zyrtare, këshilltari tjetër federal, Beat Jans do të veprojë si zëvendës i tij

Këshilltari Federal (ministri) Guy Parmelin është rrëzuar dhe ka thyer krahun e djathtë në zyrën e tij, transmeton albinfo.ch. Ai iu nënshtrua një operacioni dhe duhet të qëndrojë në spital për disa ditë. Gjendja e tij është “e mirë duke pasur parasysh rrethanat”.

Departamenti i tij e bëri të ditur këtë lajm të premten në mbrëmje. Sipas lajmit kreu i Departamentit të Ekonomisë, Edukimit dhe Kërkimit (WBF) është rrëzuar në zyrën e Pallatit Federal, në pjesën lindore në orët e para të pasdites. Parmelin u dërgua në Inselspital me ambulancë dhe më pas u operua.

Sipas deklaratës, mjekët supozojnë se ai do të duhet të qëndrojë në spital për disa ditë, shkruan sda.ch. Gjatë kësaj kohe ai duhet t’i kryejë detyrat e tij “sa më shumë të jetë e mundur” nga shtrati i spitalit.

Sipas rregulloreve zyrtare, këshilltari tjetër federal, Beat Jans do të veprojë si zëvendës i tij.

---