Ministri Makolli kërkon vende deputetësh për mërgatën

Në Komisionin për Ndryshimin e Kushtetutes, ka dërguar një kërkesë për rezervimin e vendeve për mërgatën në Kuvendin e Kosovës

Ministri i Diasporës, Ibrahim Makollit, ka bërë të ditur se në Komisionin Parlamentar për Ndryshimin e Kushtetutes, ka dërguar një kërkesë që ka të bëjë me rezervimin e vendeve për mërgatën në Kuvendin e Kosovës.

Po ashtu, ai në Komisionin për Ligjin Zgjedhor ka dërguar një kërkesë për ndërtimin e kapaciteteve për votim fizik të mërgimtarëve në vendin ku jetojnë.

Në një intervistë për “Tribuna Shqiptare”, Makolli ka theksuar së këto janë dy çështje drejt realizimit të së drejtës së mërgimtarëve.

Ai ka thënë se është i shqetësuar për ruajtjen e identitetit kombëtar të mërgimtarëve.

“Në këtë kuadër po bëjmë përpjekje që ta rrisim pjesëmarrjen e fëmijëve të mërgimtarëve tanë në mësimin plotësues të gjuhës amtare”, ka theksuar Makolli.

Ministri Makolli, ka konfimruar se janë në proces të arritjes së marrëveshjeve me Turqinë, Zvicrën dhe SHBA, për hapjen e qendrave kulturore.