Ministri Murati priti edhe komunitetin malazias

Siç behet e ditur në një njofim tüe Ministrisë së Diasorës, në kuadër të ditëve të diasporës, edhe pjesëtarët e komuniteteve pakicë, të cilat jetojnë në Kosovë, kanë organizuar  aktivitete me pjesëtarët e diasporës respektive. Në këtë rast, Shoqata e Malazezve në Kosovë, e udhëhequr nga Slobodan Vujiçiq, ka ftuar për një tryezë bashkëbisedimi ministrin Murati me pjesëtarë të diasporës malazeze, me ç’rast ministri tregoi për projektet që i udhëheq Ministria e Diasporës. Në këtë takim mori pjesë edhe Predrag Mitroviç, drejtor për diasporën në Ministrinë e Punëve të Jashtme të Malit të Zi. “Jemi në një proces jashtëzakonisht të rëndësishëm të regjistrimit të diasporës, ndërsa puna e Ministrisë bazohet në katër shtylla kryesore:  promovimi i të drejtave politike dhe sociale të diasporës, ruajtja e identitetit dhe forcimi i lidhjeve me diasporën, integrimi i diasporës në vendet pritëse dhe përfshirja  e diasporës në zhvillimin socioekonomik të vendit”, tha ministri Murati, bëhet e ditur më tutje në njoftim. Të pranishmit u interesuan më shumë për projektet e Ministrisë së Diasporës, njëkohësisht duke e falënderuar ministrin për prezencën dhe duke shprehur gatishmërinë për bashkëpunim e shkëmbim të përvojave në të mirë të diasporës malazeze, thuhet në fund të njoftimit.