Kosova

Ministria e Punëve të Brendshme në Serbi: Nuk u ndalua askush, po forcohet kontrolli

E mërkurë, 17 Prill 2024 - 17:00 albinfo.ch

Ministria e Punëve të Brendshme e Serbisë, ka reaguar lidhur me ndalimin e shtetasve të Kosovës në kufi me Kroacinë dhe Hungarinë.

Sipas komunikatës së këtij institucioni serb, policia nuk ka ndaluar askënd apo të pengojë hyrjen dhe kalimin e çdo qytetari nga Kosova. Sipas tyre, po forcohet kontrolli i të gjithë pasagjerëve në pikat kufitare.

“Po forcohet kontrolli i të gjithë pasagjerëve në pikat kufitare dhe po kryhen kontrolle të sigurisë, e gjitha kjo me qëllim të sigurisë më të madhe të qytetarëve, gjë që mund të shkaktojë një qëndrim më të gjatë në vetë pikën kufitare”, thuhet në komunikatë.