Miratohet Rezoluta kundër migrimit ilegal  

Të gjitha grupet parlamentare në Kuvendin e Kosovës kanë mbështetur krijimin e një rezolute për migrimin ilegal

Kuvendi i Kosovës ka miratuar të enjten një rezolutë kundër migrimit ilegal të kosovarëve. Rezoluta e ngritur nga partia opozitar aleanca për Ardhmërinë e Kosovës (AAK), mori mbështetjen e 69 deputeteve, dy votuan kundër, ndërsa dy deputetë  abstenuan.

Të gjitha grupet parlamentare në Kuvendin e Kosovës kanë mbështetur krijimin e një rezolute për migrimin ilegal.

Ndër pikat kryesore janë edhe kërkesa për angazhim më të madh të Qeverisë së Kosovës në zhvillimin ekonomik, me theks të veçantë në shtimin e vendeve të reja të punës për qytetarët e Kosovës dhe krijimi i një fondi për parandalimin e migrimit ilegal.

Po ashtu pikë tjetër e Rezolutë, është krijimi i menjëhershëm i lehtësirave doganore, tatimore dhe administrative për të gjithë ata të cilët hapin më tepër se 10 vende të reja të punës, si dhe angazhimi i Qeverisë dhe Ministrisë për Punë dhe Mirëqenie Sociale për arritjen e marrëveshjeve me shtetet e Evropës, për punësime sezonale, me qytetarët tonë.