Misioni Special Monitorues në Siri konfirmon vrasjen e Muhaxherit

“Komandanti shqiptar i ISIS-it, Lavdrim Muhaxheri, ish-punonjës i KFOR-it dhe NATO-s në Kosovë, thuhet se u vra në Siri”, shkruan SMMS.

Lajmin për vrasjen e të ashtuquajturit “Kasapi i Kaçanikut”, Lavdrim Muhaxheri në Siri e ka konfirmuar edhe Misioni Special Monitorues në Siri, përmes faqes së  vet

Sipas informacioneve të dhëna në faqen e Misionit Special Monitorues në Siri, në rrjetin social Twitter, është konfirmuar vrasja e Lavdrim Muhaxherit, shkruan Gazeta Express.

“Komandanti shqiptar i ISIS-it, Lavdrim Muhaxheri, ish-punonjës i KFOR-it dhe NATO-s në Kosovë, thuhet se u vra në Siri”, shkruan SMMS.

Kjo llogari në Twitter shkruan se është llogaria zyrtare e Misionit të Monitorimit Special në Siri, qëllimi i së cilës është publikimi i ngjarjeve që lidhen me konfliktin në Siri.

Lavdrim Muhaxheri, pjesëtar i organizatës terroriste ISIS, raportohet të jetë vrarë sot gjatë një sulmi amerikan kundër të ashtuquajturit “Shteti Islamik” në Siri.

Vrasjen e Lavdrim Muhaxherit, pak pas orës 00:00 të mesnatës së të enjtes, e ka konfirmuar edhe xhaxhai i pjesëtarit të ISIS-it, Bajrami.

Ai njoftimin e ka bërë në Facebook, ka shkruar: “Vëllai im ka rënë shehid” dhe lutet që “Allahu të e pranojë atë në mesin e shehidave, pejgamerëve e njerëzve të mirë”.