Mjegull në aeroport, vonesa të fluturimeve

Sipas burimeve nga aeroporti, të mërkurën janë rezultuar disa vonesa dhe një anulim fluturimi

Mjegulla e dendur që ka përfshirë gjatë ditës së sotme rrafshin e Kosovës, ka çrregulluar edhe orarin e fluturimet në Aeroportin Ndërkombëtarë “Adem Jashari” në Prishtinë.

Sipas burimeve nga aeroporti, të mërkurën janë rezultuar disa vonesa dhe një anulim fluturimi.

Zëdhënësja e Aeroportit, Valentina Gara ka thënë se udhëtarët kanë pritur rreth një orë në aeroport, pasi që aeroplanët nuk kanë mundur të ngritën për shkak të mjegullës.

Madje, siç tha ai, mjegulla e dendur ka ndikuar që të anulohet një fluturim.

“Po i kemi pas gjashtë vonesa edhe një anulim. Udhëtarët nuk kanë mbetur, i kanë dërguar me disa fluturime tjera, disa i kanë lënë për më vonë”, ka thënë Gara citon KP. Sipas saj, situata është e menaxhueshme, dhe përkundër vonesave aeroplanët po qarkullojnë.