Mjekët: Janë shtuar infeksionet e fëmijëve që u lanë në pishina e det

Mjekët në Shqipëri kanë alarmuar për  një numër në rritje të infeksioneve në sy e lëkur të fëmijëve që janë larë në pishina dhe det.  Mjekja Eneda Rustemi ka thënë se frekuentimi i pishinave, por edhe  larja në det  si dhe qëndrimi në diell me orë të zgjatura ka sjellë një numër të shtuar të fëmijëve me infeksione.

“Kryesisht faktorët si rrezet e diellit, të cilat ndikojnë në tharjen e syrit ose ekspozimi që fëmijët lahen në pishina, në det, shkaktojnë irritimin nga klori apo grimca të ndryshme që ndodhen në det”, ka thënë ajo për televizionin TCH.

Mjekët këshillojnë që  prindërit te bëjnë kujdes për fëmijët duke i mbrojtur sytë me syze uji për ata më të rriturit, kapelet në mënyrë që të mos kenë kontakt të drejtpërdrejtë me ujin dhe t’i mbrojnë nga dielli.