Mundësi punësimi për emigrantët e kthyer në Shqipëri

Ministria e Punës dhe Çështjeve Sociale ka marrë iniciativën për rishikimin e të gjithë legjislacionit shqiptar për emigrimin

Autoritetet në Tiranë po shqyrtojnë mundësinë e punësimit jo vetëm për emigrantët afatgjatë, por edhe për ata qytetarë të cilët qëndrojnë për një periudhë afatshkurtër jashtë shtetit me anë të liberalizimit të vizave.

Ky është synimi i Ministrisë së Punës dhe Çështjeve Sociale, e cila ka marrë iniciativën për rishikimin e të gjithë legjislacionit shqiptar për emigrimin, me qëllim krijimin e mundësive të reja të punësimit.

Koordinatorja e përhershme e Kombeve të Bashkuara në Shqipëri, Zineb Touimi Benjelloun, shprehu mbështetjen e saj në këtë iniciativë, transmetojnë mediat e Tiranës.

Ndryshimet ligjore gjithashtu synojnë të mbështesin të gjithë emigrantët shqiptarë në përballjen me krizën ekonomike që po kalojnë vendet ku ata emigrojnë