Muzeu i Louvrit evakuohet pas kërcënimit me bombë

@pixabay

Muzeu i Louvrit në Paris është mbyllur pasditën e sotme, teksa i ka evakuuar të gjithë vizitorët dhe stafin, pas një kërcënimi me bombë.

Sipas njoftimit, zyrtarët e muzeut kanë thënë se rasti lidhet me vendimin e Qeverisë franceze për ta rritur nivelin e sigurisë, pas sulmit të së premtes në një shkollë, ku një mësues është vrarë nga sulmi me thikë dhe dy persona të tjerë janë plagosur, shkruan TheGuardian.

Në anën tjetër, shërbimi për Komunikime i Muzeut të Louvrit ka njoftuar se askush nuk është plagosur dhe nuk është raportuar për ndonjë incident, ndërsa policia në Paris ka thënë se është duke kryer hetime për rastin, përcjell albinfo.ch.

Ndryshe, ky muze, mirëpret nga 30 deri në 40 mijë vizitorë në ditë.