Nafta në Shqipëri, më së shtrenjti në Ballkan

Në Shqipëri, derivatet e naftës janë pothuajse dyfish më shtrenjt se në Maqedoni. Po kështu edhe në Kosovë derivatet janë dukshëm më të lira se në Shqipëri-
Këto të dhëna i ka bërë publike kryetari i Partisë Demokratike, Lulzim Basha, duke reaguar lidhur me çmimin e naftës në Shqipëri.

Ky çmim në Shqipëri është më i larti në rajon ndërkohë që ka thënë se ai është ndër më të lartit edhe në gjithë Evropën.

Duke publikuar një listë të çmimeve të naftës sipas vendeve ai thotë se është pa koment nga hajdutëria.

“Pa koment nga buletini i hajdutërise qeveritare: Ja renditja e vendeve me naftën më të shtrenjtë për ditën e sotme. Shqipëria e para në Ballkan, e gjashta në Europë”, shkruan Basha në profilin e tij në Facebook, transmeton noah.al.