NASA zbulon sasi të mëdha ari në oqean

Foto: NASA/Twitter

Një ekip shkencëtarësh nga NASA ka zbuluar se oqeanet e Tokës përmbajnë rreth 20 milionë ton ar. Kjo është sasi shumë më e madhe se ajo që është nxjerrë ndonjëherë në historinë njerëzore.

Por, edhe pse kjo duket si një pasuri e madhe, nxjerrja e këtij ari nuk është e lehtë. Ari është i tretur në ujin e detit dhe ndodhet në përqindje shumë të vogla, gjë që e bën të vështirë dhe shumë të kushtueshëm ndarjen e tij nga uji.

Përveç arit, oqeanet përmbajnë edhe minerale të tjera të vlefshme, si depozitat e sulfurit hidrotermal, të cilat janë më të lehta për t’u nxjerrë dhe tashmë janë në vëmendjen e disa vendeve, përcjell albinfo.ch.

Disa shtete, si Papua Guinea e Re, kanë filluar të përdorin miniera nënujore. Por kjo sjell rreziqe për mjedisin detar, duke dëmtuar habitate të rëndësishme dhe duke ndikuar te mijëra specie.

Megjithatë, shkencëtarët besojnë se në të ardhmen, me ndihmën e teknologjisë, mund të bëhet e mundur nxjerrja e arit dhe mineraleve të tjera pa dëmtuar oqeanet.

Deri atëherë, kjo pasuri do të qëndrojë e fshehur në thellësitë e detit.