National Geographic: Bregdeti shqiptar, mahnitës!

Sipas revistës National Geographic mjafton vetëm një udhëtim i shkurtët nga ishulli grek Korfuz, për të parë bukurinë e bregdetit shqiptar të Jonit. NG thotë se jugu i Shqipërisë mbetet destinacion për vjeshtë

Bregdeti shqiptar ka marrë nota të lartë nga Revista National Geographic, e cila ka vlerësuar si destinacionin më të bukur turistik për ta vizituar gjatë vjeshtës. Kjo revistë e përshkruar bregdetin jugor të Shqipërisë si një vend mahnitës dhe të “virgjër”.

Sipas National Geographic mjafton vetëm një udhëtim i shkurtët nga ishulli grek Korfuz, për të parë bukurinë e bregdetit shqiptarë të Jonit.

”Qarkullimi veror është rritur përgjatë bregdetit shqiptar, por për momentin, ujërat e ngrohtë e të kaltër, plazhet e vogla shkëmbore si dhe plazhet me rërë e guralecë janë bosh në fillim të vjeshtës”, shkruan National Geographic, raporton JNK.

National Gegraphic këshillon turistët që dëshirojnë të arrijnë në Shqipëri, të marrin udhëtimin ujor 30 minutësh nga Korfuzi deri në Sarandë.

”Për të parë perëndimin dramatik të diellit mbi Korfuz, bashkangjitju turistëve dhe merr një gotë raki të fortë shqiptare në kodrat mbi Sarandë në restorantin Lekursi”, propozon revista.

Plazhet më të famshme janë ato në veri të Sarandës, në fshatin Dhërmi, në Ksamil dhe në Jale. Si një destinacion alternativ, 15 kilometra në jug të Sarandës, e në afërsi të lokalitetit arkeologjik të Butrintit, shtrihet fshati Ksamil me plazhet ndër më të njohurat në Shqipëri.

Atraksion kryesor janë ishujt e vegjël, ku gjendet një numër i plazheve të izoluara dhe disa restorante që shërbejnë ushqime deti, e të cilat mund të arrihen me barka