Ndalja e 100 eurove për disa mësimdhënës, drejtoresha e Agjencisë: Kemi zbatuar vendimin e Qeverisë

Ilustrim

Mësimdhënësit e qendrave të kompetencave dhe ata të shkollave speciale dje nuk i kanë marrë pagat e plota nga Qeveria. Për shkak të grevës, kësaj kategorie të mësimdhënësve paga e shtatorit u ka dal me 100 euro më pak.

Agjencisë për Arsim dhe Aftësim Profesional dhe Arsimin e të Rriturve, e cila i menaxhon këto institucione, ka larguar përgjegjësinë nga vetja.

Drejtoresha e këtij agjencisë, Fikrije Zymberi, ka thënë për gazetën Nacionale se ajo ka zbatuar vetëm vendimin që i ka ardhur nga lart.

“Ne jemi zyrtarë shtetërorë dhe vendimet e urdhrat na vijnë nga lart. Ka qenë për organizimin e grevës 25-30 gusht dhe është dashtë me i deklaruar emrat e mësimdhënësve që kanë qenë në grevë. Kjo ka qenë për qendrat e kompetencës dhe qendra burimore”, ka thënë Zymberi.