Ndalohet kërkesa e dyfishtë e azilit në Zvicër

Vetëm vitin e kaluar, rreth 2000 azilkërkues kanë bërë kërkesa të shumëfishta të azilit në Zvicër

Duke filluar nga prilli, refugjatët që njëherë janë dëbuar nga Zvicra në ndonjë shtet sipas marrëveshjes së Dublinit, nuk do të kenë të drejtë të parashtrojnë kërkesë të re azili në Zvicër.

Këta azilkërkues në të ardhmen do të dëbohen që në kufi, njofton Enti Federal për Migracion, dhe transmeton radio DRS.

Në qoftë se refugjatët në fjalë megjithatë hyjnë në Zvicër, ata do të marrin vetëm ndihma emergjente.

Vetëm vitin e kaluar, rreth 2000 azilkërkues kanë bërë kërkesa të shumëfishta të azilit në Zvicër.

Para së gjithash bëhet fjalë për ata azilkërkues që më parë ishin dënuar nga Zvicra në Itali, ku, sipas Dublinit, u takonte të ktheheshin meqë ai ishte vendi i parë ku kishin bërë kërkesën për azil.