Ndalohet noti në plazhin e Ohrit

Nga një tabel është vendosur në plazhet e Ohrit ku tregohet se është ndaluar noti. Autoritetet në Maqedoninë e Veriut kanë ndaluar notin në këto plazhe për shkak të ndotjes së liqenit nga ujërat e zeza.

Qendra për Shëndetin Publik pas analizave të para të ujit urdhëroi menjëherë vendosjen e shenjave paralajmëruese.

Pavarësisht paralajmërimeve, rekomandimeve nga UNESCO dhe afateve të përcaktuara për fillimin e zbatimit të masave të nevojshme, komuna nuk ka ndërmarrë asnjë hap në këtë drejtim.

Siç raportojnë mediat vendase, ndalimi i notit në brigjet e Ohrit nis nga kështjella e Samuilit në plazhet e Partizanit, përcjell albinfo.ch.
Mediat po ashtu raportojnë se që kur u vendosen tabelat e ndalimit të notit nga plazhi i vjetër i qytetit janë larguar 200-300 turistë të huaj.