Ndër sektorët më profitabil, vazhdon të jetë ai financiar

Në gjysmën e parë të vitit 2011 ishte kreditimi i ndërmarrjeve private promotori kryesor i rritjes së nivelit të përgjithshëm

Vlera e kredive të lëshuara gjatë 2011-së, ka arritur shifrën e 1 miliard e 675 milionë e 580 mijë euro, ndërsa kreditë në të njëjtën periudhë të 2010-së, kapin shumën e 1 miliard e 435 milionë e 405 mijë eurove, bënë të ditur, Besnik Kada, zëdhënës në Bankën Qendrore të Kosovës.

E veçanta e kredive gjatë vitit që e lamë pas ishte se përderisa në vitin paraprakë rritjen më të theksuar e kishin shënuar kreditë për ekonomitë familjare, ndërsa shtrëngimi i kredidhënies kryesisht kishte peshuar mbi kreditë për ndërmarrjet, gjatë gjysmës së parë të vitit 2011 ishte pikërisht kreditimi i ndërmarrjeve private promotori kryesor i rritjes së nivelit të përgjithshëm të kredive të lëshuara nga sistemi banker, raportojnë mediat e Kosovës.

Përveç rritjes së kredive gjatë vitit që e lamë pas, rritje kanë shënuar edhe depozitat vlera e të cilave kalon mbi 2 miliardë euro.

Gjatë vitit 2011, lëvizja e normave të interesit u karakterizua me një tendencë të lehtë rënëse si për normat në depozita ashtu edhe për normat e interesit në kredi.