Ndihmë ligjore e sociale për shqiptarët në burgjet evropiane

Mbi 4500 shqiptarë janë sot në burgjet e gjashtë shteteve evropiane. Këto shifra u publikuan nga Ministrja e Drejtësisë e Shqipërisë, Etilda Gjonaj, gjate një tryeze organizuar për problemet e këtyre shtetasve shqiptare.

Ajo tha se do të ndërmerren masa për asistimin e tyre me informacion ligjor përmes rrugëve të ndryshme, si dhe me krijimin e një rrjeti avokatësh shqiptarë në këto vende që do të kenë detyrë mbrojtjen e të drejtave të tyre, shkruajnë mediat shqiptare.

Ministri i Jashtëm, Ditmir Bushati tha se vështirësi në ndjekjen e rasteve të të burgosurve jashtë kufijve hasen në vendet jashtë Bashkimit Evropian, si dhe në shtetet ku Shqipëria ka prani të reduktuar diplomatike, përcjell albinfo.ch.

Një kujdes i veçantë do t’u kushtohet respektimit të të drejtave të azilkërkuesve shqiptarë, të cilët jo rrallë trajtohen apo mbahen nëpër vende të papërshtatshme.