Në dy raste, Policia e Kosovës ka ndaluar pesë persona në Leposaviq, kishin hyrë ilegalisht nga Serbia

Policia e Kosovës ka bërë të ditur se ka ndaluar pesë persona në Leposaviq, pasi kishin kaluar ilegalisht kufirin Serbi-Kosovë.

Sipas njoftimit nga Policia, ndalimi është bërë në dy raste të ndara, përcjell albinfo.ch.

“Njësitet policore kanë ndaluar dy të dyshuar-a (një mashkull dhe një femër) kosovar-e, nën dyshimin se të njëjtit kanë kryer veprën e cekur, duke kaluar kundërligjshëm nga territori i Serbisë në territorin e Republikës së Kosovës. Në konsultim me prokurorin, të dyshuarit pas intervistimit janë liruar në procedurë të rregullt”, thuhet në njoftim.

Sa i përket rastit tjetër, Policia njofton se ishin tre të dyshuar.

“Leposaviq 30.09.2023 – 15:20. Njësitet policore kanë ndaluar tre të dyshuar-a (dy meshkuj dhe një femër) kosovar -e, me veturën me të cilën ishin duke qarkulluar, nën dyshimin se të njëjtit ka kryer veprën e cekur, duke kaluar kundërligjshëm nga territori i Serbisë në territorin e Republikës së Kosovës. Në konsultim me prokurorin, të dyshuarit pas intervistimit janë liruar në procedurë të rregullt”, thuhet tutje në njoftim