Në Istog u mbajt Festivali “Dita e Peshkut”

Istogu mban festivalin "Dita e Peshkut", ku shumë peshkatarë morrën pjesë në këtë organizim që tashmë është bërë tradicional.

Në ambientet e hapura të restorantit Trofta në Istog sot është mbajtur festivali i peshkimit dhe gatimit të peshkut festival ky i organizuar nga Oda e Afarizmit.

Në këtë festival kanë marrë pjesë klube të peshkimit nga qytetet të ndryshme të Kosovës.

Organizatorët kanë thënë se po synojnë që këtë festival ta shndërrojnë në tradicional pasi kanë parë interesim të madh.

Ata kanë thënë se do të zhvillohet edhe gara për peshkun më të madh që do të kapet e gatuhet në këtë festival.

Sipas organizatorëve kjo ngjarje po mbahet edhe me qëllim të promovimit të turizmit në Istog.