Në Itali përfundojnë misionin 30 mjekët dhe infermierët shqiptarë

Përfundon misionin grupi i parë i 10 mjekëve dhe 20 infermierëve shqiptarë të cilët shërbyen në spitalet e rajonit të Lombardisë në ndihmë të kolegëve të tyre italianë për përballimin e situatës me Covid-19.

Ata do të rikthehen tashmë në Shqipëri pranë familjarëve të tyre.

Para nisjes drejt Shqipërisë ata kanë shkrepur dhe një foto ndërsa në duar mbajnë flamurin shqiptar, atë italian dhe flamurin e rajonit të Lombardisë.

Grupi me 30 mjekë dhe infermierë u nisën drejt Italisë me 28 mars dhe dy ditë më vonë, me 31 mars ata filluan punës.

Në rajonin e Lombardisë aktualisht numri i pacientëve në terapi intesive është 634 dhe 7120 janë të shtruar në struktura spitalore.

Në 24 orët e fundit, në Lombardi u regjistruan 106 viktima dhe 786 raste pozitive me COVID-19.

Aktualisht në Itali ndodhet grupi i dytë i ekipit mjekësor shqiptar, me 60 mjekë dhe infermierë, raporton Oranews, përcjell Albinfo.ch