Kosova

Në Jarinjë nuk qarkullojnë kamionët, Dogana e Serbisë thotë se sistemi nuk funksionon

E martë, 20 Shkurt 2024 - 18:40 albinfo.ch

Pasditen e së martës në pikën kufitare mes Kosovës dhe Serbisë në Jarinjë është ndaluar qarkullimi i kamionëve me mallra.

Qendra Kombëtare për Menaxhim Kufitar thotë se pala serbe e ka njoftuar se sistemi i Doganës nuk po funksionon.

“Ju njoftojmë se sot më datë, 20.02.2024 nga ora 16:15, nga pala serbe jemi njoftuar se sistemi i Doganës se palës serbe nuk është duke funksionuar, andaj nuk janë duke qarkulluar kamionët me mallra si në hyrje dhe në dalje të PKK Jarinje”, thuhet në njoftimin e Qendrës për Menaxhim Kufitar.