Në Klinikën Infektive po trajtohen 23 pacientë me Covid-19

QKUK, Facebook

Në Klinikën Infektive të Qendrës Klinike Universitare të Kosovës po trajtohen 23 pacientë të prekur nga koronavirusi.

Infektologu Valbon Krasniqi tha për Radion Evropa e Lirë se gjendja e tyre në përgjithësi është stabile.

Sipas tij, 15 pacientë janë në gjendje të mirë, pesë pacientë janë duke u trajtuar me oksigjenoterapi, tre pacientë janë në repart inetnsiv, ndërsa njëri prej tyre është në gjendje të rëndë.

Në Kosovë, gjithsej 1,263 raste janë konfirmuar me koronavirus.

Prej tyre, 912 pacientë janë shëruar, ndërsa 31 kanë vdekur.

Të hënën, autoritetet kanë paralajmëruar për rikthim të mundshëm të disa masave të izolimit nëse numri i rasteve të reja vazhdon të rritet, përcjell Albinfo.ch