Në Kosovë arrestohen tetë persona për kontrabandë me emigrantë

Janë evidentuar 35 persona të cilët ishin viktima të këtij grupi. Për një person të kontrabanduar fitonin nga 3000-3500 euro

Keystone

Policia e Kosovës ka njoftuar se ka arrestuar tetë persona nën dyshimin e bazuar për krim të organizuar-kontrabandim me emigrantë, bën të ditur ‘Asociated Press’.

Ky aksion është ndërmarrë në bashkëpunim me si vende si Hungaria, Kroacia, Sllovenia dhe Italia dhe në përkrahje të EUROPOL-it, përcjell albinfo.ch.

Ky grup kriminal kontrabandonte emigrantë kosovarë të moshës së mitur, destinacion i të cilëve ishte më së tepërmi Italia.

Janë evidentuar 35 persona të cilët ishin viktima të këtij grupi. Për një person të kontrabanduar fitonin nga 3000-3500 euro. Për të kryer këtë veprimtari të dyshuarit nga qytetet e Kosovës përmes Serbisë, Hungarisë, Sllovenisë deri në Itali, zakonisht shfrytëzoheshin veturat e tyre ose edhe lidhje tjera si taksi dhe autobus.